چِمْ بَه راه

راه خَراوهَ ، خنده لْوون كو ويمَردهَ ، تْه آرَس

پارگائونكا ، آتشهَ پَسنَه دَمَرده تْه آرَس

دستي ، دستي كا مَنَه فيكرو خييالاتي مَمون

سخت و سستي روزگاري چَكَه پَرده ته ْ آرَس

خْرْ اومَه چيراتينه سردِ ويمَندَه بي اَمون

دا خَوَر دار آبي و سيلاوي بَردهَ ته ْ آرس

راه نيمَه راه ن كا هيزارون چِمْ بَه راه ، مَنْدَه تْرا

نوم ويلَكون خيلي وقتَه ، وَرَه هَردَه تْه آرَس

شَخْتَه ژَندَه دل رَفِق ، فْتَه چِمون آكَه دييَس

صافَه آوَيْنَه دْلون ني قورصَه چَردَه تَه آرَس

كَيني تْه شَوْتاوينَه دا سوكلَه خون حاشا بيرَه؟

دا بْزوني مَنگي سوسونَش چْكرده تْه آرَس

خنده خيلي وقته گئرون آبَه و پَيدا نييَه

بْرَمِه چِمي چِمَه كو خيلي سردَه تْه آرَس

آوْتاوي سايه بْمون «فردوس»آوي ژَندَه شَپَق

چِمْ آكَه دنيا دييَس ، شاهَد نِمَردَه تْه آرَس